Kulla e Haxhi Zekës është ndërtuar në mesin e shekullit XIX, me konstruksion masiv dhe çka e bën edhe më specifike në krahasim me kullat tjera të Rrafshit të Dukagjinit është ndërtimi i saj prej tullave tradicionale, ndërsa në vete përmbanë edhe një ballkon të mbyllur nga ana jugore e ndërtesës, ku vërehet qartë tendenca e gërshetimit të tipit të objekteve rurale me ato qytetare.

Edhe pse me ndërhyrje të shumta përgjatë kohës, kjo kullë i ka ruajtur tiparet kryesore dhe origjinalitetin e saj. Në brendi ende mund të gjenden pjesë dekoruese të tavaneve por edhe elemente tjera si dorezat e metalit në dyert dhe dritaret e saj.

Fjalët kyçe: trashëgimi kulturore