Bakllava

Bakllava është njëra nga ëmbëlsirat tradicionale të kuzhinës kosovare, ndonëse bakllava ka prejardhje turke...

Harxhi

  • 5 ve – 1 e plotë dhe 4 të kuqtë
  • 1 gotë vaj
  • 1 gotë qumësht
  • 1 lugë të mesme sheqer
  • 1 maje thike kripë
  • Rreth 500 gr miell
  • Rreth 400 gr arra të qëruara e të coptuara
  • 200 – 300 gr. gjalpë
  • Shërbeti
  • 2 kavanoza të mëdha me sheqër rreth 1.2 kg
  • 2 kavanoza të mëdha me ujë

Pregaditja

Bakllava është njëra nga ëmbëlsirat tradicionale të kuzhinës kosovare. Ndonëse bakllava ka prejardhje turke, përgatitja e saj është një trashëgimi e vogël që përcjellet prej gjeneratës në gjeneratë edhe tek ne. Ka disa mënyra të bëhet bakllava, në formën e renditjes së petëve apo edhe të përmbajtjes.

Për të përgatitur bakllavën, së pari duhet ta përgatisni brumin. Brumi është i përbërë nga vezët, vaji, qumështi dhe mielli. Kjo përzierje lihet e mbuluar me pecetë kuzhine për 1-2 orë.

Pastaj ky brum merret dhe ndahet në 50 kuleçë, të vegjël (sa e kuqja e vesë).

Merren nga 10 kuleçë dhe tëhollohen një nga një me nisheste . Pastaj merren që të 10 kuleçët dhe në ndërmjet iu vihet nga pak nisheste. Të gjitha së bashku tëhollohen sa tepsia. Përsipëri ja qitni arrat dhe e sillni petën në formë të shtrudllës. Kjo petë e mbështjellur për së gjati në këtë mënyrë dhe vihet në tepësi. Këtë veprim e përsëritni pra 5 herë, derisa t’i radhitni kështu 50 kuleçët e bërë. Pasi që të vihen të gjitha petët e mbështjellura bakllava prehet në copëza të pjerrëta. Pasi që të pritet bakllava ngadalë ja vini përsipëri gjalpën e shkrirë.

Futeni në furrë të ngrohtë dhe e piqni për 2-3 orë në 150 C.

Shërbeti

Të vlohet uji rreth 30 minuta deri sa të trashet shërbeti. Bakllava duhet të jetë e ftohtë kur përvlohet me shërbetin e nxehtë. Përfundimisht e lini të ftohet për tu servuar.

Fjalët kyçe: ëmbëlsirë

Vlerëso83 vlerësime mes 3.63

Komentet (2)

  • aveda(para 2 viteve)

    shume e mire ok

    22 vlerësime mes 2.82
  • rina(para 3 viteve)

    shume e shijshme

    46 vlerësime mes 3.24

photo
mbrapa

Ngjarjet e ardhshme