David Parry, shefi i Asociacionit amerikan për udhëtime dhe turizëm, ka vizituar Grykën e Rugovës, në komunën e Pejës, dhe ka vlerësuar këtë vis malor “si bukuri të rrallë natyrore”, ka raportuar gazeta e përditshme Koha Ditore.

Në vizitën e tij në Rugovë, të cilën e ka bërë së bashku me përfaqësues zyrtarë të komunës, Parry ka deklaruar se do të sjellë me vete biznismenë e agjensi turistike për të vënë në pah pasuritë turistike që ka për të ofruar ky rajon. Parry po ashtu ka premtuar se do të angazhohet për të promovuar bukuritë e Kosovës, dhe posaçërisht Pejës të cilat kanë potencial të madh turistik.

Përpos bukurive natyrore, Parry arriti të argëtohej edhe nga ansambli folklorik “Rugova” , të angazhuar nga komuna e Pejës për të shoqëruar vizitën e shefit të Asocianit Amerikan. Kryetari i Komunës së Pejës, Ali Berisha cilësoi këtë vizitë si shumë të rëndësishme për promovimin turistik të këtij rajoni.

Për të lexuar artikullin e plotë në faqen e Kohës Ditore klikoni këtu.